DOSE (已結業)

餐廳細細，居然有個位可以做到Jazz show，仲要質素有番咁上下，女聲故然好，就連結他同長笛solo都好到位！首首歐美經典情歌，夠晒浪漫！值得一讚！講番食物，羊架肉質非常鮮嫩，基本上叫幾多成熟都會咁好食。調味亦非常平衡，表現一流！Pesto Genovese Chicken Pasta，呢個意粉真係喜出望外，最主要都係好在個調味，意粉夠Al dente,芝士嘅功勞當然唔少得！除咗主菜，頭盤小食都非常出色。紅菜頭配羽衣甘藍調味亦非常好，煙肉粒亦有點睛之效！再加埋Barista精采嘅調酒示範，成晚都非常盡興！