Wagyu Ya (已結業)

之前食開韓燒，今日我就同朋友試下食高級嘅日本和牛，因為我哋大家都知道食日本和牛燒， 最緊要就係佢啲牛肉新鮮，其實一食就食到㗎啦，冇得吹水。 一入到去舖頭啲裝修都幾有日本高級店嗰種風格， 同埋佢入面啲爐仔，我覺得真係幾得意。 咁我哋叫咗:肉食者: 包括有四個精選部位，各3片，有牛脷、肉眼，西冷和三角腩， 咁我就介紹下我食嘅感覺啦， 食牛脷和三角腩我覺得佢個肉質比較彈牙， 而肉眼同西冷我覺得感覺都差唔多，西冷口感及味道更勝其他， 佢嗰個肉同脂肪混合一齊係都幾和味，啲牛真係幾新鮮，同埋如果你點埋佢嗰醬，我覺得會更加滋味。 本人就較鍾意三角腩和西冷。 Wagyu Don： 食完和牛咁就當然想試嚇新鮮嘅丼， 食材有熊本和王和牛， 鵝肝、海膽、舌拿魚、三文魚籽， 呢個刺身我覺得都好新鮮，尤其是海膽，因為海膽的而且確好鮮甜真係好似啱啱喺海度剝出嚟畀你食咁樣。 我自己覺得佢啲材料真係好似係日本直送嗰啲咁樣，所以個價錢其實會比出面貴少少， 但我覺得所有食材都係有quality的。最後如果大家想試下日本和牛燒烤嘅話可以試下呢一間，因為我覺得佢食和牛真係出名嘅，大家可以欣賞下我啲圖 ，咁你就會知道。