住家菜 (已結業)

13 February 2007 (Tue) - 晩飯舊同學生日，我book咗位黎呢度食，記得呢度勁多人黎排隊，所以我決定book位先，而且佢亦話要齊人至比人座，所以我下旨叫全人類不得遲到！少有地成班同學都冇遲到，我好感動！我已唔記得叫咗啲乜，但係訂位時就book埋個唔知咩雞半隻同南瓜排骨，聽講係招牌貨，所以我都唔執輸！坐低後同學老公發板，所以完全唔知佢叫咗啲乜，直至黎到先知，樣樣嘢都好啱胃口，我哋亦清晒我哋所ordered既八樣餸，未計湯，我哋先七個人都叫成九樣樣嘢，真係嚇死人，但係絕無冷場，所以食物都落入我哋肚中，記得係生日嗰個同學指定想黎呢度一試，而佢亦食得非常開心，佢覺得呢度好味指數係爆燈咁滯！確實，除咗特別order嗰樣，同埋個竹筒飯之外，我都唔太記得食過啲乜，只係知道樣樣都好好味！最正係啲服務係一絕！成日都走埋黎同我哋講下笑，睇下我哋要啲乜咁！到最後埋單大家都覺得抵到笑大人個口，每人都只係夾$95，已經係請咗生日嗰個，個個都話要再黎食過！今次既生日兼gathering真係好開心呀！