郎田日本料理 (已結業)

下晝四點五十分荃灣會合好友【慕然】, 一起坐地鐵到旺角站落車 , 再步行由朗豪坊到登打士街 , 到達時五點五十分。入到場內人客唔算多 , 我倆被安排坐入門口近左 27 號四人枱。現場飲品任飲 , 有好多種類冷熱特飲、罐裝汽水及喜力啤酒 , 如果鍾意隊啤就著數囉! 至於食品話明放題 , 當然都係任點任食啦!一坐低【慕然】就即落單 , 首先佢叫左一罐【無糖可樂】, 我就叫左一杯【熱柑桔檸檬蜂蜜】。食物方面再落左【各式刺身、壽司、串燒、小食及芝麻雪糕】等等...不能盡錄。個人覺得最好食最鮮味 , 就係三文魚刺身、另外多春魚串燒、雞軟骨串燒、和牛串燒、燒虎蝦 , 呢幾樣我係覺得較好食 , 同埋我食得最多有翻單 , 不過亦都唔好錯過甜品【芝麻雪糕】。但其他食物可能我個人喜好問題 , 所以就覺得 ok 啦 , 尤其好多炸物天婦羅等熱氣食物 , 我一向都係有少食習慣 , 因為天生怕熱氣好易生飛滋。我倆食到搭正八點埋單 , 今餐【慕然】又爭住請食飯 , 埋單連加一服務大約係三佰四十元左右 , 我覺得都抵食過金田放題 , 起碼各類飲品任飲 , 價錢又係差唔多。現場環境比金田乾淨企理舒服 , 有輕鬆音樂不