泰聚 (已搬遷) 新店位置

上星期朋友仔生日,約左食泰國野! 今次去太子既泰聚,好少去太子果面,原來都好多野食!食泰國野當然唔少得酸辣鳳爪沙律,真係好辣,都好爽啊,夠凍好夠酸, 鳳爪好入味,正啊!再來就唔少得泰式酸辣魚,條魚好大條,好厚肉,店員有比多d湯我地幫條魚沖下涼咁!條魚條肉好嫩滑,湯汁酸酸地,令到d魚肉食落好鮮味!正!食完靚魚,點會無我最愛既菠蘿炒飯,個炒飯有好多花生,好多肉鬆&提子干,好惹味! 炒飯炒得好香,又多海鮮,有蝦,有青口,有魷魚,正啊!食飽飽,當然有最愛既甜品,呢度既糯米飯都有好多種類!不過呢度d糯米飯有好多隻味,我最like就係班蘭味,好香! 芒果都唔錯,配埋d椰汁隻,好香!