心選 (已結業)

朋友係要見嘅，同朋友好耐無見，所以今日就揀咗一間樓上嘅cafe，貪佢可以坐耐啲又可以玩下遊戲咁，約出嚟見吓。呢度位置好方便，西洋菜街行入少少就係，入到黎見到有好多胡桃夾子嘅擺設，啱晒嚟緊聖誕啊。我哋四個人，叫咗一啲小食同埋幾個主食再加埋嘢飲。唔駛等好耐，啲嘢食就上晒黎啦。呢一個小食拼盤有圓形春卷，三角形春卷同埋炸餃子，熱辣辣啱啱炸好就拎上嚟，食落口有脆卜卜，非常之有口感。而另外呢一個黑椒煙鴨胸炒意粉，黑椒味夠晒濃郁，鴨胸唔會太鞋就而且仲有啲辣，啱晒鍾意食辣嘅朋友，又夠醒神。不過我最鍾意呢一個雞皇焗飯，原因係我鍾意佢個醬汁夠晒濃郁同埋啲雞肉都夠晒滑。嘢飲方面我哋就嗌左一個百香果茶，呢一個果茶夠晒真材實料，入邊仲有啲百香果籽，果然係新鮮整起嘅百香果茶。一邊玩board game，一邊食嘢真係夠晒放鬆，岩晒成班朋友上嚟一齊聚下舊啊。仲有一個好特別嘅嘢，就係呢一度原來有會員制度，咁就可以每次返嚟聚舊，每次都儲下會員積分啦。