We Corner (已結業)

今日第一次同朋友嚟，坐得好舒服，可能今日落大雨，少人，唔經唔覺我哋坐左四個鐘頭。店員好nice，無論接電話嗰位，落單嗰位，傳菜，幫手收碟，到最後埋單，都好有禮貌。朋友食咗個爆汁芝士小龍蝦肉大牛角配番薯條，賣相唔錯，好食夾大件👍🏻 我個忌廉芝士牛油果三文魚配酸種麵包多士，個三文魚口感同味道都好好，而且唔細塊，配埋個醬汁好好食👍🏻 Nutty latte拉花同飲落都OK。 個Tiramisu有驚喜，又係大大件，口感味道都好，唔會太甜，一啲都唔膩，食完個牛油果三文魚配酸種麵包多士，本來已經飽，但係因為個Tiramusu真係好食，唔覺唔覺又食晒👍🏻 值得支持！下次會再嚟😊