新竹園軒

營業中

休息中

約咗好耐冇見嘅朋友聚餐食午飯，方便大家集合揀咗係尖沙咀食飯，於是就嚟《新竹園軒》，餐廳食物好味，坐得又舒服，好適合一路食一路傾偈。我哋叫咗七樣嘢，食到舔舔脷，肚滿腸肥😙😆鹹魚蓉煎肉餅鹹鹹香香香味，十足嘅鹹魚蓉煎肉餅，肉餅外面煎到香脆，肉汁鎖晒喺肉餅入邊，食落去非常濕潤，鹹魚好足料好友鹹魚香味。懷舊蛋撻仔，而家好少酒樓有蛋撻食，仲係我最鍾意嘅牛油皮，蛋撻焗得得非常靚，超香濃牛油味嘅牛油皮，家又滑又香甜嘅蛋，食到舔舔脷👅！ 燒汁茄子🍆茄子大大件釀上鯪魚肉，茄子煎到甘香外皮香脆，水份💧鎖晒喺茄子入面，再淋上燒汁加木魚干，多左種日式風味。豉汁蒸鳳爪係去茶樓必食嘅豉汁蒸鳳爪，鳳爪醬汁好惹味，肉有夠淋，好容易骨肉分離，雞腳筋夠晒煙韌好有咬口，一道菜裏面有多種口感。鮮蝦韭菜餃，晶瑩剔透嘅餃皮入邊包滿住爽口鮮蝦和味道濃郁韭菜，皮薄餡靚，廚師果然有功架！餃皮煙煙韌韌好有彈性，配埋爽脆嘅鮮蝦和有咬口嘅韭菜，口感超級豐富，最重要係真係好好味。黃金南瓜條咬落去脆卜卜，入邊南瓜蓉鮮甜又軟綿綿，鍾意食南瓜嘅我當然唔會放過。惹味燒汁雜菌牛柳粒，雜菌同牛柳肉非常夾。每一件雜菌和牛柳粒都包滿燒汁，用嚟送飯食非常一流。