The FOOD FACTORY (已結業)

今日同朋友去咗Food factory食西餐，我哋叫咗一份安格斯牛排配飯， 要檸檬汁，味道真係好好，一開始有猶豫過揀蒜蓉汁定係檸檬汁，但係覺得檸檬汁好似特別啲，點知又真係好好味，可以帶出牛扒嘅鮮甜^_^然之後我哋仲叫咗一個凡立貝卡幫尼意粉，啲菇同埋培根真係好香，帆立貝就大大粒好鮮甜，其實呢個價錢都唔會預佢好豪爽好大方，但係一送到黎見到都有驚喜，一個價錢食過咁嘅意粉餐，其實真係好抵食㗎啦。嘢飲我哋叫咗一杯1664啤酒，仲有生薑蜂蜜茶，覺得不過不失啦，因為又有包又有湯已經好多嘢食好飽㗎啦。