發哥粥底海鮮火鍋 (已結業)

到咗大圍同剛搬入新居嘅朋友食飯，就喺佢屋企樓下搵嘢食。呢邊有條食街咁樣，我哋揀咗火鍋食。佢依度除咗粥底火鍋之外，仲有小菜揀，應有盡有中菜。火鍋料勁多嘢揀，揀咗一至五步先～竹蔗茅根水同汽水任飲，微甜唔錯，自家健康下火。咸花生同拍青瓜小食，前者脆香口，後者juicy帶小辣。每人一盅燉湯 - 龍眼肉螺頭蟲草花雞腳雞件豬肉湯，啲肉林得來唔會老。超級滋補，雞味濃郁！凍天氣一流！龍蝦餐每人半隻龍蝦 $288龍蝦鮮、彈、有份量。海鮮仲有新鮮鮑魚、蟶子皇、貴妃蚌、多寶魚、黃金蜆、海蝦、貝殼。每一款海鮮都好新鮮，而且種類齊全。鮑魚要注意時間，唔好俾佢老。隻鮑魚大過叉前面個度！蟶子皇同貴妃蚌口感相似，以爽口為主。蜆肉乾淨，海水味唔會太重咸。海蝦常見多寶魚就少見啲。肉類除咗安格斯牛肩肉，仲可以揀多八款火鍋配料。牛肩肉肥唔多，又夠牛香。牛肩肉係好常叫既火鍋牛，哈哈！魚皮餃、順德釀冬菇一開始以為得兩粒順德釀冬菇，哈哈原來係每人兩粒。鮮冬菇味有青香味，正！證明佢夠晒新鮮，魚肉記得冬菇實一實！牛柏葉、滑牛肉牛柏葉清理得乾淨，或牛肉比出邊食嗰啲有血色同埋好嫩口。比起肥牛更好食咁！自家製墨魚丸、脆鯇骨腩片墨魚丸每人有兩