影片
更多
2014-09-12
2740 瀏覽
早前同朋友食過咖啡弄, 所以今日就同朋友再黎dazzling cafe試下, 因為兩間餐廳俾我既感覺都差唔多, 所以就私底下作個比較 xdd 預左會多人排隊, 已經特登5點幾6點去拎籌, 點知結果都要等一個鐘頭鬆啲先入得去 >< 好在等左咁耐都係值得既~ 啲嘢食果然有反咁上下水準 叫完等左5分鐘左右啲嘢食就陸續送到~我覺得呢兩杯飲品都冇乜特別, 唔難飲, 但亦冇乜值得推介呢個明太子意粉真係好味到冇得彈!!! 個汁加埋啲蟹籽, 有口感又唔會太膩~ 可惜個意粉份量太少, 我地5個人分幾條就冇晒.... 個人認為就算一個女仔食晒成碟都唔會飽.... $92太貴, 如果個價錢平反啲, 我會覺得值啲... 個鬆餅有得揀正常或者較脆, 我地要左脆啲既鬆餅~ 我最鐘意佢有唔同既醬撈埋一齊食, 有草莓, 楓糖同煉奶~ 草莓醬冇乜太大驚喜, 加左楓糖既鬆餅同食M記早餐冇分別... lol 煉奶呢個配搭好少見, 但個味同鬆餅又真係幾夾, 個人認為係三款醬入面最夾既! 好戲在後頭, 最出名既我地留反最遲上~ 呢個蜜糖吐司我喺茶木食過, 不過呢到會有專人幫我地切, 教埋我地點樣食, 服務態
早前同朋友食過咖啡弄, 所以今日就同朋友再黎dazzling cafe試下, 因為兩間餐廳俾我既感覺都差唔多, 所以就私底下作個比較 xdd 預左會多人排隊, 已經特登5點幾6點去拎籌, 點知結果都要等一個鐘頭鬆啲先入得去 ><
好在等左咁耐都係值得既~ 啲嘢食果然有反咁上下水準 叫完等左5分鐘左右啲嘢食就陸續送到~
我覺得呢兩杯飲品都冇乜特別, 唔難飲, 但亦冇乜值得推介
呢個明太子意粉真係好味到冇得彈!!! 個汁加埋啲蟹籽, 有口感又唔會太膩~ 可惜個意粉份量太少, 我地5個人分幾條就冇晒.... 個人認為就算一個女仔食晒成碟都唔會飽.... $92太貴, 如果個價錢平反啲, 我會覺得值啲...
個鬆餅有得揀正常或者較脆, 我地要左脆啲既鬆餅~ 我最鐘意佢有唔同既醬撈埋一齊食, 有草莓, 楓糖同煉奶~ 草莓醬冇乜太大驚喜, 加左楓糖既鬆餅同食M記早餐冇分別... lol 煉奶呢個配搭好少見, 但個味同鬆餅又真係幾夾, 個人認為係三款醬入面最夾既!
好戲在後頭, 最出名既我地留反最遲上~ 呢個蜜糖吐司我喺茶木食過, 不過呢到會有專人幫我地切, 教埋我地點樣食, 服務態度一流
雖然成班朋友一齊食係幾開心, 有一刻會當自己係貴婦, 等人服侍你 xdd 但始終個價錢都係太貴, 短期內應該都唔會再去喇, 嘆過一次就算~
最值得讚賞既絕對係啲員工既服務態度, 好有禮貌! 不過唔明點解明明有啲員工係香港人, 但都規定佢地講普通話... 搞到我落單果陣都唔知應該講廣東話定普通話 -_-||
張貼
