謙記火鍋

營業中

休息中

成班朋友約左好耐都未食到飯,不過終於約到,今次有幾個朋友揀左謙記，佢地食過話唔錯，當然我自己就未試過。今日就去試下佢朋友原來仲訂埋位,仲有房,真係唔錯,夠哂闊落，咁多人去都唔算迫，長方形既枱，兩邊都有爐，岩哂咁多人去食,夠哂方便。人多既關係所以咩都可以叫,成班人一定食得哂,至於湯底就叫左一個皮蛋芫茜一個魚頭鍋。只係試左依個魚頭鍋，不過無咩特別,唔會太差只能夠講,正正常常咁喇。其他野食就好快就開始黎喇，不過佢D肉同蔬菜都夠哂新鮮，一睇就知,而且份量都好足。依到D料真係唔錯。因為依到湯底本身唔算太出位，所以醬同埋依個料就好重要。咁岩依個湯就食到料既鮮味,所以我都幾鍾意。不過有D地方個湯夠濃而唔洗點用醬去食個D都唔錯。不過依到整體都唔錯,如果湯底有得進步就真係食到新鮮又食到湯。