肆柒食堂

營業中

休息中

因為喺附近有嘢做，成日都會喺觀塘，不過最近先知道朋友介紹嘅呢一間飯堂，好近自己平時工作嘅地方。餐廳環境舒適，座位都闊落，好新淨唔舊。有好多座位，等位都唔需要等好耐。朋友極度推薦雞扒煎蛋飯，煎蛋係脆邊有太陽蛋十分之好食，雞扒望落平平無奇，調味好足夠，塊皮都好脆，食落有驚喜。因為太為食，仲叫左個奶醬多士，好多醬而且價錢親民。成餐飯食得好滿足。下次再去會再試其他，見到menu有無澱粉、沙律揀，其實有好多選擇。