影片
更多
2013-11-17
1402 瀏覽
朋友生日揀左呢到食生日飯，因為book左位所以唔駛等位，預定時間一小時前舖頭打黎comfirm booking，仲問我想坐露台位定室內位，因為之前未食過，所以幻想露台位真係有圍攔嗰d露台位，喺揀露台位時，店員已預先講明有人會偷雞喺露台位食煙，如果真係好開揚露台位，我覺得無問題，點知原來只係大窗邊位，仲要食既途中原來隔離枱十居其九都會食煙，咁既密封大窗邊位，咁多人食煙就覺得真係好大問題啦！建議唔想狂食二手煙既朋友都係選擇室內位會好好多。我地點左燒魔鬼魚﹑雞煲(小辣)﹑燒茄子﹑燒雞中翼﹑燒雞皮﹑燒雞腎﹑燒雞軟骨﹑燒羊肉﹑燒牛柳粒﹑燒司華力腸﹑燒999(韮王﹑韮菜﹑韮菜花)﹑椒鹽豬大腸，好似係咁多野，另外每人一樽汽水($8)/綠茶($12)/烏龍茶($12)。燒魔鬼魚︰好脆，好似食緊炸魚皮咁，上枱係原條魔鬼魚上，餐牌話係店內必食$98/斤，今日食嗰條要$128，不過由於店員既失誤，將我地未食晒既魚同d垃圾放埋一齊，所以店舖提議減$30或者比返幾舊我地補償返，之但係，條魚除左脆之外，其實無咩味，而且佢上枱都係原條上，佢補返幾舊比我，我地都好驚佢比返原本嗰幾舊我地，所以就算係食淨半條魚，點理應該
我地點左燒魔鬼魚﹑雞煲(小辣)﹑燒茄子﹑燒雞中翼﹑燒雞皮﹑燒雞腎﹑燒雞軟骨﹑燒羊肉﹑燒牛柳粒﹑燒司華力腸﹑燒999(韮王﹑韮菜﹑韮菜花)﹑椒鹽豬大腸，好似係咁多野，另外每人一樽汽水($8)/綠茶($12)/烏龍茶($12)。
燒魔鬼魚︰好脆，好似食緊炸魚皮咁，上枱係原條魔鬼魚上，餐牌話係店內必食$98/斤，今日食嗰條要$128，不過由於店員既失誤，將我地未食晒既魚同d垃圾放埋一齊，所以店舖提議減$30或者比返幾舊我地補償返，之但係，條魚除左脆之外，其實無咩味，而且佢上枱都係原條上，佢補返幾舊比我，我地都好驚佢比返原本嗰幾舊我地，所以就算係食淨半條魚，點理應該收半價，但係我地都癈事同佢地嘈，減$30算數！
雞煲(小辣)小煲$98︰真係好小辣，感覺上無乜辣味，不過味道都算ok，但係雞肉感覺上好似好少，同埋好似都係得雞頸﹑雞頭﹑雞翼尖咁，有肉既部份實質得好少。
燒茄子︰味道尚算ok, 茄子上面有蒜蓉同蔥花，唔食蔥既要慢慢揀出黎，因為都幾多下，同埋條茄子好油呢！
燒雞中翼︰我無食過呢個，不過朋友食話ok
燒雞皮︰真係皮一塊，無乜味。
燒雞腎︰頭嗰段有味，後面嗰d無味既。
燒雞軟骨︰都係無乜味
孜然羊肉串︰個人覺得無"蘇"味，但同時都無孜然味
燒牛柳粒︰尚算ok
燒司華力腸︰無食過，最後都有食淨，朋友無評論好唔好食
燒999(韮王﹑韮菜﹑韮菜花)︰呢個都幾好味，不過佢d韮菜剪都唔剪下，一夾勁長。
椒鹽豬大腸$68︰餐牌上有好多種豬大腸既食法可選擇，原本想叫豬大腸煲，不過好似好大煲咁，6個人有一個唔食，我地驚食唔晒，所以最後揀左椒鹽豬大腸。其實唔係好食得出佢係豬大腸，因為d豬大腸好薄身，所以好似食薯片咁，但係我同其餘兩個朋友都覺得好咸，太咸了，所以好口渴
好似叫左好多野咁，但係串燒每款都只係$28/$38，埋單只係500幾蚊，平均每人一百蚊都唔駛，係幾平既﹐但係個人覺得味道真係唔太突出，所以不會再有下次。
題外話/補充資料：
店舖較近西鐵柯士甸站，建議如果大家去食，可以選擇坐西鐵，A出口出隧道後過對面就係，如果坐地鐵佐敦出，行過去食店會比較遠。
(以上食評乃用戶個人意見 , 並不代表OpenRice之觀點。)
張貼