利小館 (已結業)

今次係第二次嚟食晚飯了，兩星期前同同事嚟食過，覺得唔錯，咁啱朋友就嚟生日，決定再嚟食多次。放工前打電話訂位，可能係閒日吧，所以訂到枱，嚟到唔洗等，即刻有得坐坐低時服務員問要飲咩茶，同佢講要香片，仲以為會比一壺茶我，點知比咗兩杯用茶包沖既茶嚟，飲落夠茶味又夠香唔錯。楝呢度食飯係貪佢啲嘢細細碟，兩人食，可以試多幾款。我哋點咗5道菜+1道甜品:蜜餞火方，甜中帶少少咸味的火腿配上蝴蝶形包食，非常美味。冰燒三層肉，最期待的菜式，可惜今次食同上次唔同味道，皮還是很脆，但肉偏硬，而且過咸，失望。牛筋，還可以，沒什麼特別。烤夫，味道很一般。炸海蝦，薄薄的外殼炸得很脆，可以連殼食，味道很好，跟上次一樣，必食。最後梗係唔少得要食甜品，上次試過雷沙湯丸非常好味，今次係朋友話想試焗粟蓉布甸，甜味適中，食完唔覺漏，好味道。