影片
更多
2010-05-22
369 瀏覽
本身一心打算去叫壽包........但因為我居然點菜唔記得落..................所以最尾無食到,實在唔好意思.......講返餐飯...8點去到有訂位一樣要等....因為雖然新裝,但地方都唔算特別大唔揀去老鋪,係因為呢面方便小小,等左大約15分鐘左右卒之有位坐,因為一行13人都坐得幾迫下。一共叫左9個小茶.....但有食完都d到喉唔到肺咁...但算啦,至在有個地方食餐飯姐....雲英雞1隻:一隻睇落好滑.........但食落一d都唔滑ｏ既雞......同埋皮太肥,雞肉太小...薑蔥焗生蠔:我諗加埋d 蠔屎,都夠一人一隻,食落無咩特別,唔值一食,成煲最好食係d 蔥鮮蝦小棠茶鍋貼:呢個真係水準之作,鮮蝦先打成蝦膠,再加入小棠菜,之後再扲去鮮炸.....口感彈牙好食,亦因為有d 菜係度o既關係,感覺無咁油利墨魚餅:不過不失,彈牙有餘,但失去了墨魚o既味道.......感到好多大排檔都好食過佢魚湯什菌湯勝瓜:魚湯正,其他都係合格啦...無咩特別黑椒茄子牛仔骨煲 牛仔骨又係骨多過肉,好在味道搭救,當然重點係食茄子啦xd,完成入曬味....沙拉骨:呢個雖然感覺炸到有小小過火,但真
講返餐飯...8點去到有訂位一樣要等....因為雖然新裝,但地方都唔算特別大唔揀去老鋪,係因為呢面方便小小,等左大約15分鐘左右卒之有位坐,因為一行13人都坐得幾迫下。
一共叫左9個小茶.....但有食完都d到喉唔到肺咁...但算啦,至在有個地方食餐飯姐....
雲英雞1隻:一隻睇落好滑.........但食落一d都唔滑ｏ既雞......同埋皮太肥,雞肉太小...
薑蔥焗生蠔:我諗加埋d 蠔屎,都夠一人一隻,食落無咩特別,唔值一食,成煲最好食係d 蔥
鮮蝦小棠茶鍋貼:呢個真係水準之作,鮮蝦先打成蝦膠,再加入小棠菜,之後再扲去鮮炸.....口感彈牙好食,亦因為有d 菜係度o既關係,感覺無咁油利
墨魚餅:不過不失,彈牙有餘,但失去了墨魚o既味道.......感到好多大排檔都好食過佢
魚湯什菌湯勝瓜:魚湯正,其他都係合格啦...無咩特別
黑椒茄子牛仔骨煲 牛仔骨又係骨多過肉,好在味道搭救,當然重點係食茄子啦xd,完成入曬味....
沙拉骨:呢個雖然感覺炸到有小小過火,但真係唔錯........無咩可以形容,但絕對推薦
椒絲腐乳炒通菜:成碟菜差d 一條椒絲我都巢唔到....你都算好野啦.....
魷魚唔知咩咩炒勝瓜:仲差過魚湯果個....淡而無味....魷魚就差不多都係魷魚碎
綠豆沙:送o既,反而足料夠味,唔會太甜......唔錯啦....
叫菜o既過程其實都好攪笑,有位大叔幫手落單,之後問我們要例牌定大份.....我問大份有幾大.....佢話平時o既兩倍low.....咁價錢呢.....都係平時o既兩倍........咁我問,唔夠我先再叫啦有無分別....。大叔話緊係無啦xd,不過問聲姐見你咁多人......
落左單兩分鐘左右....阿叔又問.....起得菜未,我話起得啦........說時遲那時快...9個菜唔洗10分鐘就到....洗唔洗快手到咁呀......
酒樓全部清一色中大年紀o既職員,雖然禮貌唔會好好...但都有講有笑呀......
去到埋單果陣910蚊.....先發現13人茶錢收我104....嘩......成8蚊位茶錢....之後仲要加一....
呢下就真係拿利左小小啦..........
張貼
