金島燕窩海鮮酒家 (已搬遷) 新店位置

朋友生日，我哋一行七人嚟呢度慶祝生日，7點半到達，只得三、四成滿，環境OK都算寬敞，Service都很好。鹵水鵝拼大腸 - 鹵水很香，鹵水鵝和大腸都夠入味，大腸很厚，口感很好又唔肥，十分出色，碟底的豆腐也很不錯，又滑又入味火煺什菜 - 清清淡淡的，味道OK嘅。太極素菜羹 - 賣相很好，香濃嘅菜味，十分足料，味道不錯。蝦蟹棗拼豆腐 - 蝦棗和蟹棗也不錯，用傳統做法，雖然唔脆，但都幾好味，豆腐就一般啦。川椒雞 - 很香嘅胡椒味，十分惹味，不錯。咕嚕肉- 這是最差的一度菜，有青椒、菠蘿和豬肉，個汁OK，但豬肉有D韌，麻麻哋。煎蠔烙 - 十分香脆，又足料，咬落去煙煙韌韌，口感好好，味道又好。炒麵線 - 有肉絲、虾和芽菜，材料簡單，但味道很好。糖醋麵 - 煎得很香口，面層脆脆哋，入面就淋，不會太乾，加上白糖和醋，味道不錯。食物質素不錯，價錢ok。喜歡食潮州菜嘅朋友，不妨嚟試吓。