影片
更多
2018-11-25
186 瀏覽
我哋八點半到，門口有幾個人排緊隊。門口係咁既, 比較窄，但吾緊要啦，野食質素先取勝嘛😛趁等位嘅時候，梗係睇吓有咩食啦！😍有刺身、壽司、手卷、炸物、燒物、煮食、一品料理、甜品、飲品.......大喜屋基本嘅嘢食種類其實都有齊晒😆等我逐款介紹下先😋刺身餐牌有皇冠既都係推介食物，刺身既推介係池魚王同蟹腳，咁我地當然有叫啦😋池魚王果然夠鮮甜，令人忍唔住一食再食。個人就覺得個蟹腳一般。其他款嘅刺身我地都有試下，我個人都推介三文魚，因為好鐘意食，所以都叫左幾多件。果然冇令我失望，首先睇落去色澤明亮，每一件都幾厚身下，食落去口感肥美，真係好好味呀！而我最鍾意嘅刺身其實係甜蝦😍😍，因為真係名副其實好甜，又有入口即溶嘅感覺，我都忍唔住encore左三次！壽司&卷物壽司雖然比較細件，但勝在款式比較特別，同埋細細件無咁易覺飽，我先至可以叫多幾款試多d😋個人最鍾意係芝士鰻魚卷😍😍,芝士味好濃郁，同個鰻魚味道配搭幾好，所以呢款我都有加單，其他款式味道吾差，但就無令我留底好特別既印象，一試無妨既😛燒物燒物只係叫咗燒菠蘿同燒翠玉瓜，兩個燒物我都好鍾意，尤其係燒翠玉瓜，估唔到燒完之後都好juicy ，食落去非常清甜，
趁等位嘅時候，梗係睇吓有咩食啦！😍有刺身、壽司、手卷、炸物、燒物、煮食、一品料理、甜品、飲品.......大喜屋基本嘅嘢食種類其實都有齊晒😆
等我逐款介紹下先😋
刺身
餐牌有皇冠既都係推介食物，刺身既推介係池魚王同蟹腳，咁我地當然有叫啦😋池魚王果然夠鮮甜，令人忍唔住一食再食。個人就覺得個蟹腳一般。其他款嘅刺身我地都有試下，我個人都推介三文魚，因為好鐘意食，所以都叫左幾多件。果然冇令我失望，首先睇落去色澤明亮，每一件都幾厚身下，食落去口感肥美，真係好好味呀！而我最鍾意嘅刺身其實係甜蝦😍😍，因為真係名副其實好甜，又有入口即溶嘅感覺，我都忍唔住encore左三次！
壽司&卷物
壽司雖然比較細件，但勝在款式比較特別，同埋細細件無咁易覺飽，我先至可以叫多幾款試多d😋個人最鍾意係芝士鰻魚卷😍😍,芝士味好濃郁，同個鰻魚味道配搭幾好，所以呢款我都有加單，其他款式味道吾差，但就無令我留底好特別既印象，一試無妨既😛
燒物
燒物只係叫咗燒菠蘿同燒翠玉瓜，兩個燒物我都好鍾意，尤其係燒翠玉瓜，估唔到燒完之後都好juicy ，食落去非常清甜，我同朋友都encore呢個左兩次，至於個燒菠蘿就相對失色，但其實都幾好味，係燒得比較乾。
炸物
比我想像中好食，擺上台嘅時候仲係熱辣辣，應該係新鮮即炸。 咁多款炸物，一定要食一口芝士同榴槤貓山王。三角形果舊係一口芝士，圓形波波既樣係榴槤貓山王。一口芝士入邊真係好多芝士😍😍雖然食落去好滯，但真係令人好滿足。至於榴槤貓山王更加令人回味無窮,如果你同我一樣係榴槤控，咁你一定唔可以錯過，因為佢真係勁重口味，好好食😍😍我總共食左3粒🙈
煮食
叫咗蟹粥同燉雞湯，蟹粥係推介，同意真係必食，個粥好足料，見到好多蟹腳，食落綿綿地又有蟹香，但大家食既時候要小心碎骨。我朋友覺得小咸，但我覺得岩岩好，同埋食左咁多生冷野食番碗熱粥岩晒。我地叫左一人一碗蟹粥都食得晒😋個雞湯都係足料又濃味，兩個人share岩岩好。
飲品
飲品除左雪櫃既罐裝飲品之外，仲有幾款果汁同清酒，我哋除咗攞住解茶之外，就叫咗杯熱清酒，支酒都幾易入口。
甜品
每人都會送一杯Häagen-Dazs雪糕，仲要有得簡季節限定口味。我叫咗一杯芝士麻薯，我朋友就要焦糖味兩個都好好食😍我地食得好飽都試左幾款甜品，其他款式黎講我覺得抹茶大福都幾好食，唔會太甜，外皮煙靭，食到淡淡的綠茶味。
整體覺得呢間cp值幾高，雖然食物款式可能未夠其他大喜屋咁多，但勝在每樣質素都幾好，而且環境吾錯，坐得幾舒服，會再黎食呀😋
張貼
