九龍香格里拉大酒店宴會廳

營業中

休息中

本人從未打過食評，但我為了這餐將貨就價的婚宴菜式要在此表達意見首先，由於現時婚宴改8人一枱，所以菜單也只有6個熱葷，炒粉面飯各一，糖水、甜品各一，就成為10道菜的中式晚宴第一道例排乳豬，都係得兩件，而且一大層肥膏唔食得，食完仲比我發現有兩條毛塵在碟中，Omg第二道合桃玉帶配杏香花枝球，蘆筍幾片+筍尖有苦澀味，帶子兩小片，花枝丸一粒，頗為平價的食材第三道淮杞四寶燉雞，菜名蠻好聽，但只不過是一碗藥材煲鷄湯，鷄肉是鞋的第四道花菇扣鮮鮑片，花菇一隻、鮑片一小塊有腥味+兩條小唐菜，賣相一般第五道菜清蒸老虎班，只有幾條魚就分給10幾枱客人，我諗主人家應該份量較多，而我只分到近魚頭位的魚鰭少許，差到連相都忘記影，食完等於無食第六道南乳脆香鷄，沒有南乳味，我又只分到零碎的鷄亦位+半支鷄膇骨，而雞腿肉是出奇地不嫩滑的炒飯雖然有一、兩粒帶子蝦仁襯底，但普通得很，其實一般酒樓都做到粒粒分明，這碟飯卻欠奉之後到上甜品，以為ok, 點知又比我發現匙羹上有餸漬，連碗碟都清潔得如此求其總括而言，我對呢間五星級酒店無論服務和食物質素都失望透極，今餐連翅都無，仲話係米芝蓮出品，唔好搞笑啦，不知所謂。