圓山台灣料理 (已結業)

一大班人食飯要諗食乜同埋臨時book位都幾煩，table map其實都幫到大家手。今次就食小妹好喜歡嘅台灣菜，圓山想試好耐，但少人又係試唔多，六至八個就係一個好好的配搭。前菜：台式四拼 ，小妹淺嚐了鹽水雞同蠔油生腸，味道偏清，但ok的。 台式鹽酥豆腐 ，好味，外表酥脆，內心細滑。涼拌茄子，小妹唔食，但飯腳話not bad。粉麵類：台南擔仔麵，湯底少油，去油後但味道其實幾清甜。麵質有咬感，肉燥當然good。台式燥肉飯，無肥膏點會好味，少少肥膏先夠香滑呢。 主菜：台灣炒A菜，爽。 紅糟豬手，煙煙靱靱，滑滑的，好強骨膠原呢。 秘制麻油雞湯，果然唔少嘢，雞味麻油味並存。 蚵仔煎，蚵仔配香䓤，香口。 甜品：即撞豆腐花，豆味重，清新。 擂沙湯丸，芝麻香濃，薑味重。 棗茸糕，I don't know。