潮民

營業中

休息中

😁今日打咗電話俾 潮民老闆訂咗張枱六個人 想話比佢聽我想訂..... 點知我未講佢就話俾我聽六個人我幫你揸fit 心想咁犀利 我想食乜都知 到咗八點我準時到 仲特登買咗兩支wine 頭盤係象拔蚌同牡丹蝦刺身双拼 新鮮就係啦 但係就少啲啫 不過老闆又諗到我想食乜嘢喎 仲親晒我支wine 我今曰係真想食海鮮 嘩 跟住上嚟枱就係我最喜歡嘅番茄蟹湯 爆曬糕嘅高蟹 真係爆到你吾信 個蟹湯嘅味道係我最鍾意嘅 好強嘅蕃茄味 老闆話係用全天然蕃茄做 我已經愛上了 但我飲完啲番茄湯叫waiter幫我加番茄湯 個孤寒鬼只畀我一碗 真孤寒 之後老闆幫我揀了兩款牛肉 一款係極上雪花安格斯 真係溶口個 第二款係手切牛肉邊位 甘香又有牛肉味 真得。之後梗係問吓老闆 有冇點我鍾意嘅鹹蛋蝦餃 同潮民愛心餃 老闆話當然有啦 佢仲話仲有你鍾意嘅大花膠筒同大蟶子皇 佢個番茄湯趁海鮮真係一流 問佢點整又唔肯講真孤寒 不過真係好正 佢仲話下星期會有一個咖喱湯出爐 同香油一口牛肉鍋 我問老闆有冇番茄湯咁正 佢話我下星期落嚟試吓就知 之後點了幾款菜蔬同佢哋嗰個超甜粟米 已經夠飽 老闆超好人。仲請埋我飲佢知珍藏版