蝦棧 (已搬遷) 新店位置

朋友係要見，同相公约了兩位好友食飯，其中一位朋友提議食台灣菜，反正未在香港食過，就一於去試下小食叫了炸墨魚卷和炸豆腐，炸墨魚卷用腐皮包著來炸，好香口，裡面的墨魚冇被炸乾，仲好彈牙，有白色和加了墨汁兩種口味的，好好味炸豆腐炸粉唔厚，豆腐一囗一件，非常之嫩滑相公係一個飯筒，冇飯不歡，所以叫了一個魯肉飯比佢，魯肉份量多，唔油，同台灣的有得比鹽燒豬肋條，上菜時仲以為係牛肉😅，份量小咗小小，但，好細心地切開一小塊，非常之入味，送啤酒一流🤤避風塘蝦，全力推介，蝦非常新鮮，好入味，辣道十足生燒海花螺，我仲以為係似辣酒煮花螺😅，原來係碟上，螺好新鮮，無沙，以上三道菜，送啤酒一流，可惜我哋都唔太好🍺🍺黑麻油雞煲，一啲都唔油，好香麻油味，雞肉無雪味