陶源酒家 (已結業)

星期日同朋友去陶源飲茶，中午都唔算好多人，好快有位。坐底就叫點心，呢度啲點心都幾有特式。👉🏼蝦腸呢碟蝦腸個樣好靚，見啲蝦好大隻，但就只得6件，真係手快有手慢無。腸粉皮薄，係幾好食嘅。👉🏼蝦餃又係大粒蝦喺中間，味道唔錯。👉🏼燒賣都係一般酒樓食到嘅味道，唔會有幾大分別。👉🏼菜餃味道ok但啲皮好軟身，同啲爽爽嘅涵好唔夾，有啲怪。👉🏼櫻花蝦炒飯呢個飯我會推介，因為炒得香之餘亦唔油，櫻花蝦都唔少，咬落去脆脆地，幾得意。