名苑

營業中

休息中

☺️今日入九龍人山長水遠入屯門搵朋友聚下舊，就近近地嚟到附近屯門市中心嘅名苑酒家食晚飯🥢，傾吓偈。晚飯時間都比較多人，好熱鬧。🥚蛋白蒸鮮帶子$118/位平時酒樓食飯習慣大魚大肉，今次就清清地叫咗蛋白蒸鮮帶子，喺屋企蒸蛋始終掌握唔到個火候🥲，酒樓師傅出馬果然唔同啲，時間掌握得啱啱好，用蛋白蒸出黎味道清新，再埋帶子做配料，富有層次同口感。🍶南部美人 吟銀河 純米吟釀（$388一支）難得同朋友聚下舊，梗係要嘆番支酒，可以慢慢摸吓酒杯底啦傾吓心事。這款「南部美人吟銀河純米吟釀」釀製材料全部都係來自岩手縣嘅地酒。酒米更加係以少見的「吟銀河」釀，好有特色，入口時感覺爽快俐落。