1998 Food & Beverage (已結業)

今晚難得同好耐冇見嘅朋友食飯，喺其他朋友介紹下嚟左呢間餐廳試下佢地嘅意粉，經OpenRice book枱仲可以享有全單88折。餐廳嘅裝修都幾old school。軟殼蟹脆口，明太子汁好好覆蓋住每條意粉，如果明太子味再濃厚多少少就更好。虎蝦有啲痴殼，同埋蝦汁嘅味道唔係好入到蝦肉，但肉質幾彈牙。蝦汁嘅蝦味比較淡，我覺得個味道有啲似洋蔥汁多啲。蟹肉唔算好多，意大利飯味道豐富，蟹肉味都幾重。炸薯條同松露醬比較普通，唔係好脆，可以唔使特登食。