有米鍋粥底海鮮火鍋 (已結業)

上星期朋友聚餐，成20個人，以為又係去酒樓，點知朋友帶咗我地去呢間「有米鍋」。老細好好人，比咗個近門口又自成一角既位比我地，唔驚嘈到其他人。粥底火鍋都唔係第一次食，不過呢間都算唔錯，價錢唔貴，但就有海鮮食。魚、蟹、蝦、 鮑魚等，都好新鮮，佢啲花膠，話咁快比啲女仔掃晒。我自己唔係特別鍾意食粥，不過佢個海鮮粥最後加入 南瓜及芋頭，又幾好味。老細話呢個叫黃金粥，無渣，大人細路都啱食。呢個場唔係話非常大，但勝在夠乾淨，連廁所都乾淨企理。一大班朋友聚腳搞活動，或者家庭聚會都係唔錯既選擇。