Outback Steakhouse (已搬遷) 新店位置

一大班朋友想食野傾下偈唔一定去樓上cafe！ 呢日一行十幾人上咗尖沙咀啲間精緻西餐廳， 環境優雅， 空間算幾闊落， 有情調的燈光及室內佈置令人好relax， 可以慢慢歎美食，一路盡情傾計， 呢日由七點食到十點幾， 快樂的時光過得真快~食物飲品高質選擇多不在話下， 之前有唔少食評都講過， 喺度特別想讚下服務。 香港唔少餐廳都另加一服務費， 但大多數情況下顧客都係被迫俾， 因為根本冇咩服務質素可言😂 但啲度上菜速度真係好有效率， 即使唔叫餐飲，侍應都一路好頻密咁幫你refill清水， 如果你叫咗凍檸茶的話佢仲會突意幫你refill紅茶，而唔係清水。總括嚟講，如果喺附近約開朋友，不妨上嚟呢間西餐廳試下美食， 真心好過去樓上cafe！