金香茅泰國菜館 (已結業)

同朋友咁耐冇見，今日難得一聚，重口味組揀咗食泰國菜！其實之前都經過呢間鋪頭幾次，不過因為裝潢比較老舊，所以都冇試過，而今次聽朋友講呢間都幾好，所以就決定試下。我地嗌咗冬蔭公湯，菠蘿飯同金邊粉，同埋木瓜沙律，份量都充足，4個人食仲有啲食唔晒⋯⋯欣賞嘅係冬蔭公入面啲蝦新鮮大隻，不過菠蘿飯同金邊粉就冇乜特別，味道偏淡，如果鍾意淡口味嘅就幾好。但唔會話好惹味。木瓜沙律好辣，如果唔食得辣嘅人會好似我咁辣傻咗😂但辣得黎好好食。服務都幾好，雖然晚市好多人，但因為我地真係唔夠位擺，見我地食得咁辛苦都猶豫過後，將隔離嘅2人檯俾我地。4個人4款餸4杯嘢飲盛會500。