金豪酒家

營業中

休息中

一行4人去深水埗買電腦野，行完之後係附近搵晚餐。見到有間酒樓感覺乾淨企理好地道就去試下。入到去坐位都幾闊落，餐牌有好多選擇。芥辣牛柳粒，本身諗住當開胃菜點知份量大大碟。我好怕食啲好乾身好靭既牛柳粒，但佢完全唔會，食落牛柳粒口感好軟又重牛味，芥末味都幾重，仲加左炸合桃伴碟👍🏻炸合桃超有驚喜。艷影蝦球，朋友好鐘意食蝦就點。每嚿都好大嚿，出邊嘅炸皮又薄又脆。入面係原隻大蝦肉，新鮮彈牙。椒鹽豆腐，一口大小剛剛好。入口皮又薄又脆包住軟滑豆腐口感一流！炸子雞（半隻），半集份量4個人食剛剛好，佢炸野真係值得相當出色，所以炸子雞都冇令人失去。本身雞肉就已經切好大大嚿，而且肥瘦適中。通菜，本身以為呢個會係最平平無奇。但餐廳嘅通菜係上枱之後先係客人面前用燒熱左既熱砂鍋炒香！除咗保持到熱度，仲好夠火候。