居廬 Cafe (已結業)

難得相約好友食午餐，揀咗尼間係太子嘅小店。隔離仲有間好多人排隊嘅千層蛋糕。（重點誤🤣）餐廳唔大，但裝飾好特別，好適合幾個朋友一齊食餐飯，傾下計。重點係嘢食味道都唔錯煙三文魚天使麵，好香忌廉味，天使麵煮到軟硬適中，三文魚都算新鮮。甜品係朱古力香蕉窩夫。份量十足，要兩個人先食得曬。窩夫即點即整，熱辣辣，所以雪糕都好快融🤣。最愛搭配香蕉朱古力。不過今次個朱古力偏苦，窩夫又欠咗一啲甜味。尼個係唯一不足之處。有時放假，想到啲休閒時光嘅話，可以來尼度坐下，食下嘢。