Olive Cafe (已結業)

一直見到呢間店都想去試下。今日朋友決定嚟呢邊聚聚，我就一口答應。四個人，叫咗Nacho Cheese, 一碟薯皮，一個pizza，一個沙律同一個菠菜意大利飯…首先，環境其實係唔錯，我都幾鐘意。Nacho Cheese和薯皮係前菜，我個人覺得塊粟米片過大…要食得有儀態，有啲難度，不過，當日無必要顧儀態…哈哈…所以無問題。薯皮都做得不過不失，其實都無驚喜…啊，呢間餐廳都有我最鐘意既意大利包！好好食…Pizza我本來一直都以為係會以意大利既方形pizza上枱…結果係pizza hut既嗰重標準細pizza size，我哋叫左個雜菌pizza，個皮好脆！都幾好食。至於全晚最令我失望既係個意大利飯…其實友人一直推介，一直都說自己好鐘意食意大利飯，而且呢個菠菜意大利飯，一定要試…心諗…有幾好食…本人自認食過既意大利飯都唔算少…結果上枱，個汁就ok啦…不過，個飯就…我唔知你哋會唔會同意我既說法，意大利飯，係我心目中應該係一個飯粒都幾圓，又不太硬和冧既飯，加上個湯熬出嚟，真係好好食，好有口感。至於我個日食既…我覺得唔係我平時食既意大利飯…因為啲飯粒好冧…而且粒飯仲冧到開邊…唔知係咪佢哋覺得冧啲會好食啲