龍蝦燒 (已結業)

一大班朋友黎龍蝦燒聚餐，坐落黎之後，見到有位師傅係鐵板上面燒龍蝦，一陣陣香味飄散過黎，令人垂涎欲滴，特別想試下招牌燒龍蝦，即叫即整十分新鮮。燒烏魚，燒過之後外層更加濃香酥脆，魚肉完全冇腥味，肉質鮮嫩有汁，每一啖啖口齒留香，值得一試。芝士燒龍蝦，芝士配龍蝦一起燒，令到龍蝦更加香濃够味，又保留住龍蝦肉鮮甜彈牙，啖啖飽滿龍蝦肉汁香味，味道恰到好處！！芝士燒蘑菇，蘑菇够曬大隻，經燒過之後散發出好濃郁既蘑菇香味，口感嫩滑香口，食過之後仲想食。凉伴皮蛋，切開後里面黝黑光亮，聞一聞，一種特殊香味撲鼻而黎，再加上香辣碎椒更加惹味，口感鮮滑爽口，色香味均有獨特之處。