家家戶戶

營業中

休息中

難得的朋友聚會，經過一連串苦惱後，最後決定去“韓國街”搵食。街頭就見到尼間裝修樸實嘅小店。好耐好耐之前都有聽過朋友話尼間唔錯。不過經過時間的洗禮，好難擔保🤔。經過一番“巡視”後，選擇咗尼間評論為有家的感覺嘅食店。因為有朋友遲啲先到，所以我哋都只係點咗三款食住先。泡菜餅嘅味道略淡，無咩泡菜味。可能正因為咁，所以有附醬汁。雖然睇落以為好辣，實際反而有點偏甜。不過搭配咸酸嘅泡菜餅啱啱好炒年糕反而有點失望，味道略淡，年糕亦唔夠軟。突然令人掛念韓國小食店鮮紅嘅辣炒年糕。另外仲點咗牛肋骨，由於大家都已經掛住食，所以無人影相😅。主食有分set 或者 A La carte, 分別在於set有埋前菜＆湯。牛肋骨份量算足夠，如果一個人食可能未必食得曬。味道比較之前兩道菜，尼個算唔錯，咸淡適中。不過肉質就有點過熟，有點會覺得少少硬。後來到嘅朋友點了雜菜炒飯，但似乎唔太令佢滿意。食咗幾啖，就要不停飲水。佢話好似厨師倒瀉鹽咁最後見佢淨返大半碟🤦🏻‍♀️唔太理解網上評論所指“家的感覺”係指環境定食物味道。個人覺得尼度環境的確唔錯，三五知己來食飯傾計，感覺幾溫馨。食物方面，可能因為期望太高，所以稍嫌不足。