Upside Lounge (已結業)

朋友話喺銅鑼灣搵到一間高質嘅酒吧，就係SOGO附近。正好最近做緊SOGO日，就諗住shopping之後再過去飲杯嘢。.SOGO行過嚟兩三分鐘左右，呢幢大廈本身有好多美容院髮型屋等等，都幾多人識。.一入門口就覺得餐廳嘅裝修好特別，有我鍾意嘅霓虹燈，有遊戲枱，個環境都幾chill。睇完餐牌之後，我哋就叫咗少少嘢食同酒。.佢哋杯酒幾有驚喜，個名叫做Double P，酸酸甜甜好開胃，酒精嘅濃度都夠高，唔會好似某啲中環嘅出名酒吧咁，酒落得唔夠足呃客人，所以都幾推介大家試下佢哋嘅酒。.跟住我哋再叫咗佢嘅黑松露帶子燴飯，食落黑松露味好重，擺盤都靚靚仔仔好精緻，好少有酒吧嘢食都整得幾好食。