水瓶座咖啡店 (已結業)

之前去過一次，覺得冷氣不夠，今次已大有改善。整體環境不錯，同朋友傾計一流的地方，見到有些客一面吃一面傾project，又有wi-fi十分方便。之前去過其他café傾project，覺得啲枱太矮彎腰打字太久都幾累，而這café座位高度最適合，下次傾project可以考慮這地方。食物味道很好，飲品都有特色，我哋叫了SET DINNER 餐牌 ($148or158/SET)，內裡之湯、頭盤、主菜、甜品及餐飲，可以自由配搭，有一些項目須要加錢，係明碼實價，豐儉由人，都合理嘅。我朋友話個主菜西冷牛扒好OK，配菜也做得很美，很有誠意。我就要左個煙肉洋蔥貝殼粉，好好味 。甜品，我叫左好多人話好食心太軟，外面是海棉蛋糕，中心裡是熱騰騰的朱古力，真的是雙重的味覺享受!! 值得一讚的是服務態度，侍應有禮貌,又親切。先頭以為呢間餐廳客少，點知越食越多人，整體印象不錯，最有特色是這裡有戶外地區，傾傾下想食口煙都得，有機會會再試。