舍利鮨 (已結業)

朋友好鐘意食日本野，今次要同佢慶祝生日，見到呢間omakase幾吸引咁，就決定黎試一試😋因為食材係日本直送，所以都好新鮮🤩，朋友都讚我揀餐廳揀得好呀😁最深印象係帆立貝、大拖羅、原隻海膽、筋子壽司同生蠔1️⃣帆立貝紫菜夾住既原隻帆立貝，真係好大隻🤣，咬落去厚厚的，好滿足🤤2️⃣大拖羅啲油脂分佈得好靚，食落甘香可口3️⃣原隻海膽份量好足之餘隻金黃色真係好靚，食落唔腥好甘甜4️⃣筋子壽司滿滿既筋子仲多過啲飯🤤雖然筋子望落去同三文魚籽有啲相似，但大粒好多，咬落去更有口感5️⃣生蠔口感creamy，海水味唔會太重，旁邊既檸檬亦點綴得唔錯