小南國 (已結業)

新年一定會有好多飯局，約埋朋友一齊食飯..搵個地方記腳，又可以坐得舒服少少，傾來啲計都可以去呢個小南國都唔錯。位置喺太子新世紀廣場都算好方便，就算朋友帶埋小朋友出黎都方便。餐牌都算係多選擇。我哋有四個大人..所以就選擇左一個二人套餐(A)另外再散叫一啲其他特色小炒。招牌小籠包果然係冇失望..唔錯！生拆蟹粉豆腐撈飯一流，我勁鍾意食呢個！花膠鮮魚羹就好淡..冇乜味道，十分普通完全冇特別。另外我哋仲單點左個香酥鴨配薄餅，幾特別！同一般片皮鴨既分別都係件鴨係炸，又唔錯喎！