影片
更多
2017-05-04
1343 瀏覽
3月尾去食，一直都未有時間寫食評，現補上！先講環境及氣氛都係好贊的，服務又週到，成日都有人黎幫手斟茶，攪到我地都唔好意思！我叫咗人蔘烏龍，略嫌人蔘味唔多夠，反而小南國的比佢做得好！先上前菜 - 黑松露伴雞有好多香芹，同黑松露及雞都好夾！份量唔算多，2-3人食就啱啱好！再上係要預留的西班牙黑毛豬叉燒，係好味的！但又唔可以用有咩特別去形容，只可以話食材係比一般新鮮矜貴！始終叉燒係味濃的食物，所以特顯唔到西班牙黑毛豬的味道及口感！之後係宮廷鱈魚煲，好咸！鱈魚係比較清新的魚，不宜重味過咸處理，有點失望！食到底，我仲要拎清水浸走啲咸味先食到！侍應見我咁做，仲過黎了解了解添，我都好坦誠咁俾咗意見佢，希望對佢地有幫助！因為想飲湯，但得兩個人，所以唔可以又叫湯又叫飯，所以叫咗湯飯！呢個魚湯四寶泡飯無令我地失望，上枱一大煲，"嘩"了一聲出來，因為得兩個人，所以未免太大煲了！侍應仲講笑「得個煲大嫁炸！」不過，一打開煲蓋，真係份量唔細煲囉！我諗至小分到6-7碗仲要加入脆米，今次飽囉！魚湯夠濃，一定要趁熱食，凍咗有腥味都係正常的！入面應該有4款料，好似有魚同蝦！口感味道都好豐富，好味道！不過真係好大煲，兩個人
先講環境及氣氛都係好贊的，服務又週到，成日都有人黎幫手斟茶，攪到我地都唔好意思！我叫咗人蔘烏龍，略嫌人蔘味唔多夠，反而小南國的比佢做得好！
人蔘烏龍
$25
67 瀏覽
0 讚好
0 留言
先上前菜 - 黑松露伴雞
有好多香芹，同黑松露及雞都好夾！
份量唔算多，2-3人食就啱啱好！
黑松露伴雞
$180
42 瀏覽
0 讚好
0 留言
再上係要預留的西班牙黑毛豬叉燒，係好味的！但又唔可以用有咩特別去形容，只可以話食材係比一般新鮮矜貴！始終叉燒係味濃的食物，所以特顯唔到西班牙黑毛豬的味道及口感！
西班牙黑毛豬叉燒
$295
70 瀏覽
0 讚好
0 留言
之後係宮廷鱈魚煲，好咸！鱈魚係比較清新的魚，不宜重味過咸處理，有點失望！
食到底，我仲要拎清水浸走啲咸味先食到！侍應見我咁做，仲過黎了解了解添，我都好坦誠咁俾咗意見佢，希望對佢地有幫助！
宮廷鱈魚煲
$240
62 瀏覽
0 讚好
0 留言
因為想飲湯，但得兩個人，所以唔可以又叫湯又叫飯，所以叫咗湯飯！
呢個魚湯四寶泡飯無令我地失望，上枱一大煲，"嘩"了一聲出來，因為得兩個人，所以未免太大煲了！侍應仲講笑「得個煲大嫁炸！」
不過，一打開煲蓋，真係份量唔細煲囉！我諗至小分到6-7碗
仲要加入脆米，今次飽囉！
魚湯夠濃，一定要趁熱食，凍咗有腥味都係正常的！入面應該有4款料，好似有魚同蝦！口感味道都好豐富，好味道！
不過真係好大煲，兩個人食，有點吃力！衷心建議人多先好叫黎試～
魚湯四寶泡飯
$280
108 瀏覽
0 讚好
0 留言
張貼
