影片
更多
2024-10-27
522 瀏覽
早喺兩星期前book枱，店員告知全晚有三個時段可以book：分別係6pm-7:30pm、7:30pm-9pm、9pm至收工。我book咗7:30pm-9pm個時段，餐廳一早講咗只剩bar枱位置，冇問題。當晚準時到達餐廳，其他枱都已入座，包括遲過我哋到嘅客人，唯獨我哋被告知仲執緊枱。原來係前一個時段嗰兩位女士過晒交枱時間都仲慢慢食慢慢飲慢慢去廁所🙄🙄期間店員出嚟講咗2-3次執緊枱，但個落地玻璃望到晒入面嗰兩個女仔仲係施施然，店員似乎都只係過咗成15分鐘先催一兩次，最終喺門外等咗20分鐘先有得入座🫠🫠……如果係唔需要交枱，請問分三個時段嘅booking system係有咩意思？如果店員唔想趕人走，但又唔安排枱畀準時到嘅客人，咁又算點？喺出面等緊期間，見店員都會逐枱行埋去拎住個盒講解吓唔同pasta，但就冇向我哋講解……可能因為我哋入到去諗咗一陣都已經order咗…但其實印象中間舖都有3-4個職員，full house都係20個客人之內，仲要我哋入座時其他枱都已經食緊🙄可能係唔記得咗，之後見我哋order咗又唔理掛…嗌完嘢食，10分鐘到已經陸續上晒所有菜，而appetiser個mushroo
我book咗7:30pm-9pm個時段，餐廳一早講咗只剩bar枱位置，冇問題。當晚準時到達餐廳，其他枱都已入座，包括遲過我哋到嘅客人，唯獨我哋被告知仲執緊枱。原來係前一個時段嗰兩位女士過晒交枱時間都仲慢慢食慢慢飲慢慢去廁所🙄🙄
期間店員出嚟講咗2-3次執緊枱，但個落地玻璃望到晒入面嗰兩個女仔仲係施施然，店員似乎都只係過咗成15分鐘先催一兩次，最終喺門外等咗20分鐘先有得入座🫠🫠……
如果係唔需要交枱，請問分三個時段嘅booking system係有咩意思？如果店員唔想趕人走，但又唔安排枱畀準時到嘅客人，咁又算點？
喺出面等緊期間，見店員都會逐枱行埋去拎住個盒講解吓唔同pasta，但就冇向我哋講解……可能因為我哋入到去諗咗一陣都已經order咗…但其實印象中間舖都有3-4個職員，full house都係20個客人之內，仲要我哋入座時其他枱都已經食緊🙄可能係唔記得咗，之後見我哋order咗又唔理掛…
嗌完嘢食，10分鐘到已經陸續上晒所有菜，而appetiser個mushroom soup係最遲上，睇返其他comment先發現好多人都係咁🥹（以為食緊澳牛）。
Pasta味道係不錯，但其中一碟linguine alle vongole上枱已經唔熱，加埋一次過上晒啲菜，食得嚟都凍晒…
結論係：咁嘅價錢，咁嘅質素真係唔抵，仲要book完位等於冇book，不建議🙂↔️
張貼