夏麵館 (荷里活廣場)

營業中

休息中

一段時間冇黎過呢間餐廳，今日就專登黎幫襯一下。一去到門口，等位既人唔少，但竟然唔見登記既員工。等咗一陣，終於有人出黎，於是咪排隊攞籌囉，但原來入面大把位，唔知佢地留黎做咩。入座後就劃嘢食，直到入單，都冇人斟茶，叫咗侍應好耐先有人理。首先係小籠包，包皮都薄，有肉汁。之後係黃魚煨面，雖然魚湯好甜，但好係係落超市有售既濃縮魚湯。魚肉都算滑，整體唔錯。跟住係椒鹽黃魚，外層脆，魚肉仍滑，熱辣辣，好味道。最後就係鍋帖，冇心情影相，追咗好多次，冇人理，都最後我地埋單要取消鍋帖，突然又黎咗。餐廳話75分鐘要交枱，但佢地咁慢既速度同咁既服務，想有人返轉頭幫襯都難。