京都料理

營業中

休息中

今次是第4次到京都料理食嘢，之前幾次都只是為了食個景而入去，食物及服務就麻麻地。只有今次的體驗令我想寫吓食評。今次我因為收工早，行過門口，見窗邊有位，就忍唔住行咗入去。隔咗幾個月，發現換咗侍應，佢地d態度好好。今次免費生菜沙律Bar 的生菜明顯比較新鮮爽甜，所以我拎咗兩轉。我叫咗個青瓜小卷及豚肉拉麵，味道滿意。不過，拉麵的份量對於我個人而言唔係幾夠，如果佢地可以因應不同客人的需求，可以選擇麵量有得加少少就更好啦! 整間餐廳依家好乾淨，比之前更舒服。我最鍾意晚餐及雨天的時候，間嘢d透亮的影照在玻璃上，與窗外的楊柳及細葉榕，還有食客及侍應的影子等交疊而形成詩意的景象。以後如果我準時收工，會多d 幫趁這一間。