逢甲工房 (已結業)

俾錢買難受，餐廳已先付款後取餐形式，先唔講食物，講下服務態度先，櫃面嗰個阿姐西口西面不特止，講嘢冇尾音，仲見住佢對啲遊客呼呼喝喝，人哋外國人講英文，佢自己唔識英文就鬧人地。好啦，至於食物方面，所謂嘅珍珠奶茶完全冇茶味，啲珍珠好似食緊膠咁，唔甜亦都唔彈牙，擔仔面勁鹹，食完好口喝，仲有碗類似翠華紫菜魚蛋粉既野，清清地唔算難食嘅，不過d麵質就。。。我唔知係麵質嘅問題定係烹調嘅問題啦，好似放左好耐既出前一丁咁！不過糕點同甜品尚算可以。