影片
更多
2018-11-13
88 瀏覽
今日因為喺網上被依間餐廳既放題廣告所吸引，就一早喺open rice訂位兼同時有打電話確認好訂檯。夜晚去到明明兩個人，但帶位既女服務生都堅持見到我地喺三位，我地已經多次確認只有兩位而且網上預訂亦只係得兩位，但佢依然安排左我地坐左四人位，當時餐廳仲有好多二人位，另外我見到隔離附近的檯都喺兩個人坐四人位，所以我地以為都ok就坐低啦。然後大概2分鐘後一位男服務生，走過黎詢問我地是否有通過預約訂位，通過咩途徑訂檯及是否有無同餐廳確認預約？我地覺得真係莫名其妙，但都係再耐心同佢解釋一次，佢聽完就再次同我地確定是否兩位定三位，我地話係兩位，然後佢就以各種藉口要求我地馬上起身轉去坐二人位，咁都算，但我地當時已經點左90分鐘放題，二人位實在太細，完全無辦法放咁多火鍋配菜，我都有問佢點算？佢直接回答，唔夠放我再幫你地轉翻四人檯啦，聽完我就覺得佢專登玩野玩針對啦，周圍全部人只係散點一兩個菜式既都唔使轉，點解一定要我地點左放題既轉？個男服務生都無辦法解釋，佢只係話八點後會好多人，但依家喺七點多D所以要提前準備……大概到七點半左右，最後餐廳度一位短髮大嬸服務員衝過黎好粗暴咁要求我地馬上起身讓出位置，原因係要怪
夜晚去到明明兩個人，但帶位既女服務生都堅持見到我地喺三位，我地已經多次確認只有兩位而且網上預訂亦只係得兩位，但佢依然安排左我地坐左四人位，當時餐廳仲有好多二人位，另外我見到隔離附近的檯都喺兩個人坐四人位，所以我地以為都ok就坐低啦。
然後大概2分鐘後一位男服務生，走過黎詢問我地是否有通過預約訂位，通過咩途徑訂檯及是否有無同餐廳確認預約？我地覺得真係莫名其妙，但都係再耐心同佢解釋一次，佢聽完就再次同我地確定是否兩位定三位，我地話係兩位，然後佢就以各種藉口要求我地馬上起身轉去坐二人位，咁都算，但我地當時已經點左90分鐘放題，二人位實在太細，完全無辦法放咁多火鍋配菜，我都有問佢點算？佢直接回答，唔夠放我再幫你地轉翻四人檯啦，聽完我就覺得佢專登玩野玩針對啦，周圍全部人只係散點一兩個菜式既都唔使轉，點解一定要我地點左放題既轉？個男服務生都無辦法解釋，佢只係話八點後會好多人，但依家喺七點多D所以要提前準備……
大概到七點半左右，最後餐廳度一位短髮大嬸服務員衝過黎好粗暴咁要求我地馬上起身讓出位置，原因係要怪就怪我地自己講左三位，仲要兩個人霸四人檯，佢不停話八點後會好多客人，要求我地唔好再霸住四人檯，就算唔想讓都要立即讓出座位，但當時我地起身後發現餐廳已經二人位突然已經坐滿，大嬸要求我地轉坐既依然都係四人位，真係無法理解該餐廳既邏輯！拜託！大嬸！！！你惡咩啊？講下道理好嘛？好似係你地同事安排我地坐四人位咖，然後百般針對難為我地。咁樣我地都無興致再留低，我地憤然離去，終於發現點解該餐廳有出放題廣告但都無人食，其實就係廣告係煙霧吸引你過黎，但根本就唔想你食放題，如果你叫左就一定百般刁難你離開，佢地只接待散點既客人，散點客人兩個人可以坐四人檯，食放題既客人企住食自己啦！依間餐廳一直以態度惡劣聞名，今次係第一次幫襯，亦都第一次領教了，希望大家擦亮眼睛，唔好再幫襯依間餐廳！！
張貼