25
10
15
(非會員)
0
0
服務、態度超差嘅餐廳﹗﹗
2010-01-27 88 瀏覽
今日搵朋友食lunch，又唔想去茶餐廳食得咁趕，所以咪試下呢間，佢價錢唔平，最平個set lunch 要 $45。不過如果食得舒服啲就算啦~~我朋友放食12:30 pm, 因為我早咗到，又唔想四周圍行，咪早啲入去等囉，果時大概 12:10pm. 當時成間餐廳得我一個客，不過就覺得啲職員係我身邊行黎行去，尤其係一個好矮嘅阿伯。差唔多12:25pm，個阿伯好惡咁走埋黎問:「你究竟幾時點餐?」我咪話等埋我朋友先，佢就到。之後佢仲更加惡咁質問我:「咁佢幾時到?」我真係以為自己去咗大排檔，我唔知佢係咪蝦我一個女仔，但係其實除咗我之外，成間餐廳只有另外一枱客。我咪話:「你咩態度呀?」之後應該係佢果仔走黎同佢講算啦。個時我想即刻走，但係我朋友啱啱到就算啦﹗仲有，我地食嘢嘅時候，果個阿伯係我地身邊行黎行去，連我朋友都覺得好煩，話快啲食完走，果時仲未到一點，同埋只有三分一客﹗呢間餐廳應該係家庭作業，同埋同區咁多競爭者，佢價錢又唔平，食物又普通，加上咁嘅服務態度，根本就係度趕客。我同我啲朋友以後、以後都唔會幫襯﹗唔想貼錢買難受﹗
更多
今日搵朋友食lunch，又唔想去茶餐廳食得咁趕，所以咪試下呢間，佢價錢唔平，最平個set lunch 要 $45。不過如果食得舒服啲就算啦~~

我朋友放食12:30 pm, 因為我早咗到，又唔想四周圍行，咪早啲入去等囉，果時大概 12:10pm. 當時成間餐廳得我一個客，不過就覺得啲職員係我身邊行黎行去，尤其係一個好矮嘅阿伯。差唔多12:25pm，個阿伯好惡咁走埋黎問:「你究竟幾時點餐?」我咪話等埋我朋友先，佢就到。之後佢仲更加惡咁質問我:「咁佢幾時到?」我真係以為自己去咗大排檔，我唔知佢係咪蝦我一個女仔，但係其實除咗我之外，成間餐廳只有另外一枱客。我咪話:「你咩態度呀?」之後應該係佢果仔走黎同佢講算啦。個時我想即刻走，但係我朋友啱啱到就算啦﹗

仲有，我地食嘢嘅時候，果個阿伯係我地身邊行黎行去，連我朋友都覺得好煩，話快啲食完走，果時仲未到一點，同埋只有三分一客﹗

呢間餐廳應該係家庭作業，同埋同區咁多競爭者，佢價錢又唔平，食物又普通，加上咁嘅服務態度，根本就係度趕客。我同我啲朋友以後、以後都唔會幫襯﹗唔想貼錢買難受﹗


(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    用餐日期
    2010-01-27
    人均消費
    $60 (午餐)
    推介美食
    • 冇嘢值得推介，簡直貼錢買難受