嘹咋咧

營業中

休息中

渣甸坊小巷有呢間北方麵食小店，地方清潔，於是就嚟食午餐。環境: 冷氣充足。洗手間清潔。服務態度: 第一次光顧，花左少少時間睇餐牌。侍應沒催促，笑容可掬。有一點十分值得表揚:午後雖食客不多，但侍應們從沒走到樓面打牙較，或企喺度望住你食嘢。殷勤也保持令食客舒適嘅距離。食物:點咗油扯麵配茴香豬肉餃，豬耳，手工掛麵微辣配酥炸排骨。油扯麵係一塊過嘅闊麵條，一碗只得一條，薄薄滑滑。廚師煮得剛剛好，無因為薄，而一夾就爛。泡在湯裡，食到尾，都仲保持到嚼勁。餃子饀岀色，茴香足料，豬肉打得夠粘。手工掛麵係幼麵，湯汁掛麵。排骨炸得剛好，保留到肉汁，炸皮乾身酥脆。讚。麻香豬耳，如果你鍾意芫茜蔥嘅香味，你會鍾意呢個小食。真係落足配料，擺盤用心。但要一提，豬耳係好有𡁻頭。如果你食慣潮州滷水豬耳咁淋淋地嘅，可能覺得比較硬。銅鑼灣地段，坐得舒服，服務態度超班，食物份量、味道唔欺場嚟講，真係良心價。多謝你哋喺疫市中，煮良心食物俾我地。