稻(日本料理) (已結業)

情人節晚餐，唔想出去同人迫，揀咗屋企附近嘅日本餐廳INA。見到Openrice唔少review話失望，我都唔敢太大期望，但結果出乎我所料地好。價錢嚟講可以接受，畢竟稻菊Inagiku嘅情人節套餐要貴一倍。環境同食物即使打個七折八折，我都已經好滿意。我本身唔太喜歡食厚切同油脂多嘅刺身，純粹個人口味啦，而且三文魚亦淡咗啲。餐廳嘅負責人同廚師了解咗之後，幫我地準備咗另一盤刺身。呢一盤我非常鍾意，個醬汁有啲柚子味，好特別好refreshing。最窩心係服務真係好好，知道我地唔鍾意餐牌上面嘅刺身，好誠心道歉之餘（其實我地奄尖麻煩哈哈），仲即刻幫我地換，而且好細心為我地介紹。影相前忍唔住偷食咗牛肉上面嘅蘆筍，真係好香、好好食呀！知道呢度鐵板燒好出名，真係冇失望。Wagyu beef好有牛味，包住香蔥同加咗蒜片，真係ichiban架！心型嘅金鎗魚壽司👍👍👍好似喺你個口入面溶化咁，一流！甜品係日式銅鑼燒，配綠茶雪糕，同埋餐廳自己做嘅紅豆蓉。綠茶同紅豆本來就係天作之合，有埋日本蜜瓜（Japanese musk melon）嘅清新中和甜味，為晚餐劃上完滿嘅句點。今晚晚餐好滿意，男朋友同我都好開心，服務好細