富士山 (已結業)

今日去咗銅鑼灣搵食，每次嚟到呢度，𨋢口都有好多人派傳單，選擇好多。去食日本料理通常都會叫刺身或壽司，因為鍾意食魚生。而且近期天氣咁熱，食魚生丼就最啱。呢度刺身飯有多款選擇，一次過可以食唔同嘅魚生。揀咗個幾豐富嘅小樽丼：有牡丹蝦、甜蝦、蟹鉗、帶子、三文魚、玉子及魚籽。刺身都幾豐富，都幾飽。另外叫咗個鍋物，係清酒煮蜆。清酒煮蜆份量都幾多，蜆肉唔算太大，但係充滿咗酒味。個湯都幾香，一鍋熱辣辣。都幾抵食。