意粉屋 (已結業)

意粉屋D服務聽聞好正，甘日有幸同媽媽出去“撐臺腳”。可能因為岩岩晚市無幾耐，唔洗五分鐘就可以入左。一入到去個feel好正，好似好高雅甘。D環境，裝潢都令人覺得好舒服~坐低之後侍應行埋問要熱水定凍水，隨即便遞上餐牌。餐湯叫左個什菜湯同龍蝦湯，個什菜湯除左有小小辣整體都覺得ok。而主餐我叫左個芝士焗卡邦尼意粉，而媽咪就叫左個焗什菜闊麵。因為都ok肚餓所以叫多左個焗西蘭花，小食拼盤，仲有黑椒蜜汁雞翼。雖然最終都食唔曬依然覺得好滋味。媽咪話我個芝士意粉太多芝士佢唔系好中意，但我覺得芝士味並唔系好重，無左芝士陣味可能成個意粉無論色香味都差D 掛？hah，至於個蜜汁雞翼我覺得並不是好好味，算勉強ok。但服務方面真系好抵贊，因為進食期間不停都會過來加水，態度好好~