The Point - Pizza & Pasta (青衣城) (已結業)

話說今日同朋友去完迪士尼碌返出青衣搵食，係open rice搵到呢間餐廳。食物評價同賣相都唔差所以揀咗佢。我地大約夜晚八點半左右坐低。而家食肆全部關十點。所以只有個半鐘用餐時間。我一行三人，點咗個二人set dinner。包括兩款小食，焗啡菇同蕃茄肉丸。虎蝦牛油果意粉同forest pizza。另外我地單點咗一客炸雞同三杯飲品。我自己覺得兩個小食都好出色，先講個啡菇。芝士勁多。芝士控必試，另外蕃菇肉丸。雖然佢有少少微辣。但配個蕃茄醬就好出色。而我自己唔食牛油果，所以我麻麻地個意粉。而pizza亦都好好食。炸雞更加唔洗講。超好食。比較失色係三杯飲品。比較細杯。但真心值得一讚嘅係侍應嘅態度。因為我地係迪士尼曬咗成日所以不停在灌水。侍應每一次都勁快fill水，而且係我地埋完單準備離開嘅時候都仲會繼續fill,勁抵讚。