BriKetenia (香港科學園) (已易手) 新餐廳

第一次去科學園食嘢，啲餐廳多到數唔晒，後來見到呢間號稱法國總店係米芝蓮一星嘅餐廳，就同另一半去試一試 。因為喺公眾假期去，去到1:30都仲要排隊，最後大概排咗半個鐘。都未入到餐廳有位員工同我哋講因為廚房太繁忙，預期上菜速度會好慢。最後啲嘢等咗接近半個鐘先嚟晒。我哋兩個人嗌咗一客鵝肝多士，一份海膽意大利飯同埋一個法國燒春雞。我覺得鵝肝多士就幾好食嘅，又唔算太油膩飽肚，但係個海膽意大利飯就一般般，因為個海膽細到睇唔到同埋芝士味有啲重，至於個法國燒春雞就中規中矩。整體嚟講環境幾好，啲座位好闊落，不過員工嘅服務態度就一般般。